Adishatz a tots

Per ua version en francés vesitar lo site de País en francés
http://radio-pais.com <http://radio-pais.com/> .





Robèrt Lafont que s'enterrava lo 30 de Junh a Florença (Italia)


lafont.jpgQue s'enterrava lo 30 de junh a Florença, lo lingüiste, escrivan e
teorician politic Robèrt
<http://fr.wikipedia.org/wiki/Robert_Lafont_(linguiste)> Lafont. Cò fondator
de l'IEO <http://ieo-oc.org/> au sortir de la dusau guèrra mondiau, que's
hesó lo pòrtavotz d'un occitanisme politic dens las annadas setanta. Dens
l'òbra soa, prolifica, multifòrma que podem destecar a barrèjas "Nani
mossur", los romans "Tua culpa
<http://www.ideco-dif.com/recherche.php?to_find=lafont&submit=cercar> " o "La
Fèsta", e enqüèra los recentament publicats "L'Etat et la langue" en çò de
<http://www.sulliver.com/livre/livre.php?ref_article=9782351220474> Sulliver
<http://www.sulliver.com/livre/livre.php?ref_article=9782351220474> e lo
"Decameronet" en çò deu Trabucaire <http://www.trabucaire.com/> . E puish
qu'èm ua ràdio que volem senhalar especiaument la poësia hicada en musica per
Jan Mari Carlòtti
<http://www.mont-joia.com/www.mont-joia.com/jan-mari-carlotti/html/Pages/jan-mar\
icarlotti-bio1.htm> "Dire" (Ed Mont Jòia <http://www.mont-joia.com/> ").&
nbsp;

Ua bibliotèca e un espiar suu monde que viennen de s'esvanir. A Fausta las
nostas pensadas.

Pèir Bèc qu'estó dab Robert Lafont un deus fondators de l'Institut d'Estudis
Occitans après la segonda guèrra mondiau. Los dus qu'èran reconeguts com
especialistas de la lenga, e la lor reputacion que va plan au delà de las
termièras deu pais d'Òc. Los dus qu'estón presidents de l'IEO, mes com ac
ditz Pèir Bec a David Grosclaude, qu'èran prumer ligams d'amistat quasi com
dus hrairs.

Joan Pèir Darrigrand, de Per Noste, que reageish tanben a la disparicion deu
Robèrt Lafont. Que'ns parla deu Lafont 'politic', lo qui militè dab eth.
Extrèits suu site.

e shens desbrombar


17 & 18/07/2009 Pastorala de Nai


Bastida de Nai

pastorale-affiche.jpg





La pastorala de <http://www.pastorale-nay.org/index-b.html> Nai qu’ei un
espectacle tradicionau que’s hè engüèra en Bearn e en Sola. Qu’ei
sancerament creat e jogat peus poblants deu lòc. Espectacle cantat e tanben
dançat, la pastorala qu’ei ua causa rara de non pas mancar.

Hòrta deu son patrimòni e de l’istòria soa au sègle XVI, Nai hesteja en
2009 los 10 ans d’obertura et de restauracion de la Maison Carrada, beròi
bastiment Renaishença d’estile italian, la Maison carrada qu’estó hèita
au miei deu sègle XVI per un ric marcadèr drapèr deu nom de Pedro SACAZE.

L’istòria que’vs contarà la vida de la ciutat a d’aquera epòca au
truvèrs d'ua evocacion de las granas hèitas soas: mauhuec de la bastida,
pujada de la borgesia, comèrci e relacions dab l’Aragon vesin, guèrras de
religion, broishami, dab drin d’intrigas amorosas.


suus site de País lo ligam suu site de la Pastorala




11 & 12 de julh - La Seuva


S'aimatz cantar (o escotar), dançar, minjar, béver... laseuve.jpg
non manquetz pas la 6au edicion de la "Hèsta deus vinhèrs" organizada peus
"Seuvetons"
lis 11 e 12 de julh a LA SEUVA (64).
=> Dissabte 11 de Julh
- 19h30 tostadas
- 21h Passacarrèra
- 21h30 Espectacle deu GAP de Berstett e deus Seuvetons
- 23h concèrt-bal dab PARPALHON
=> Dimenge 12 de Julh
- 11h sauts bearnés, tastada deus vins de Juranson,
CANTERA, animacion musicau
- 13h30 Repaish devath lo chapitèu
(inscripcion au maset Massaly o au panissèr Miro)
- 16h30 Concèrt a la gleisa dab BATACLAM, BAILINA e LAS
GOJATAS
- 18h danças alsacianas
- 19h30 bal animat per l'escòla de musica de La Seuva,
puish per PAKOPOLEN e PARAULAS DE BAL
Bonús, los Seuvetons <http://seuvetons.blogspot.com/> que's produiseràn au
Maine Cinquau a Artigaloba lo divés 24 de Julh entà l'espectacle "Las lètras"







EMMAÜS LESCAR-PAU 29 & 30 de julh


<http://www.emmaus-lescar-pau.com/fr/pages.php?page=45> affiche-accueil.jpg

escotar l'anóncia a l'antena : suu site http://www.radio-pais.com







En Ondas d'estiu : espiem a l'endarrèr


Sason d'estiu, autas emissions... Cool
<http://www.radio-pais.com/mambots/editors/jce/jscripts/tiny_mce/plugins/emotion\
s/images/smiley-cool.gif>

La sason d'estiu qu'ei tà En Ondas lo parat de har encontres de tots.

Per exemple a la rentrada qu'averam reclams deus Sumerians, Assirians e Hitites
en companhia de Joann e Richard.

Mes per l'òra :

Setmana 27 dimèrc 01 a 21h, dijaus 02 a 14h e dimenge 05 a 21h

que perpausam en referéncia a la desapareishuda de Robèrt Lafont, un deus
teoricians de l'occitanisme e de la colonizacion deu dehens, la difusion tornar
de l'emission de la Setmana 11 de 2009 setmana en companhia de Danielle Julien
au parat de la sortida deu "Decameronet" en çò deu Trabucaire.

Domenja Lekuona que'vs perpausa dens En Ondas (11/03 a 21h, 12/03 a 14h e 15/03
a 11h), ua entervista de Danielle Julien, arreviraira au francés deu
"Decameronet" (1983) - "Le petit décaméron", de
<http://fr.wikipedia.org/wiki/Robert_Lafont> Robèrt Lafont .

Unviatge.gif recuelh de novèlas pareishut en noveme de 2008 ençò deu
<http://www.trabucaire.com/> Trabucaire .

La musica que serà la de
<http://janmari_carlotti.mondomix.com/fr/chronique3380.htm> Jan-Mari Carlòtti
dab sheis cançons tiradas de las setze deu CD "Dire" qui a consacrat aus
poèmas de las annadas cinquanta de Robèrt Lafont.

Danielle Julien : passaraira de literatura, d'enveja d'istòria e de deser de
lenga. Qu'ei l'autora de Viatge d'ivèrn, prèmi Jaufre Rudel 1999 de la Region
aquitàna (Ed. Trabucaire).

Escotar l'anóncia {audio}images/stories/0903111215_an.mp3{/audio}









Mort d'Albèrt Peyroutet


colorado.jpgQue ns'a quitats la setmana passada Albert Peyroutet.
Vadut en 1931 en Bearn, agregat d'anglés e professor d'occitan.
Contaire au hestenau de Siròs, qu'ei l'autor de novèlas "Que l'aperavan
Colorado",
"De la peth de cohet" e de poèmas en çò de Reclams
<http://reclams.no-ip.org/site/sitereclams.html> edicions .
Ràdio País qu'avèva publicat - enregistrat per lo quite autor - la version
audio de la novèla "Que l'aperavan Colorado". (supòrt esputzat)

{audio}images/stories/colorado-extrait.mp3{/audio}

Qu'enviam las nostas pensadas a la soa hemna Ruth e a la familha.







Rentrada 2009 : obèrtura annèx Calandreta Paulina a Masèras Leson


calandretalogo.jpg

OBERTURA - EN OBTIENER L'AGRADAMENT - d'un annèx de L'ESCOLA CALANDRETA
PAULINA a MASERAS LESON Lo constat : Calandreta de Lescar : dedicada a l'oest de
Pau. Calandreta Paulina : saturada. Un annèx, qu'ei ua classa delocalizada, qui
a ua unitat de direcction, de gestion associativa e ua unitat pedagogica , qui
seran asseguradas per l'estructura paulina.

Que son obèrtas las inscripcions tà Pau e Masèras ! AMASSADA - INFORMACION DE
L'ASSOCIACION AUS PAIRS PAU-SUD : DISSABTE 27 DE JUNH - 11h00 - MAISON
COMUNA DE MASERAS LESON. PERMANENCIA de L'ASSOCIACION : ARCUELH E INFORMACION ,
PRE-INSCRIPCIONS , LOS 15 , 22 , 29 DE JULH , 18-19 H , MAISON COMUNA DE
MASERAS LESON. RENSENHAMENTS, PRE-INSCRIPCIONS PAU E MASERAS : Benoit LARRADET
(Dr) - Marilys SAINT LOUBOUE (Ens) - Escòla - 05 59 62 45 57 - J. Loup
FRICKER (Pdt) 06 74 64 00 56 - Veronique DUCOS (Din) 05 59 84 31 12








Rondalejadas


Rondalejadas que perpausa serias de programas cada setmana lo diluns a cinc
òras deu vrèspe (redifusat lo dimenge). Escotatz suu site per mei
d'informacions

MUSICA DE FILM

Ua navèra seria de Rondalejadas que començarà lo diluns 15 de junh dab un
naveth tema sus la musica de film.



Que i averà quauques explicacions sus la musica de film e las bendas originaus.
Que parlaràm deus dus aspectes d'aqueth tema au truvers d'ua seleccion de
directors e compositors de musica de film, en mei de genres musicaus qu'an
influençat las bendas originaus dinc a uèi.

Lo darrèr episòdi de la seria que serà consacrada a las demandas deus
auditors. Qué voletz entener ? Quau ei la vòsta cançon o lo vòste tròç de
musica de film favorida ? Enviatz las vostas demandas e messatges a
contacte@...








24 d'octobre : Anem ! Oc !


091024_anemoc.jpg


Manifestacion Carcassona 24 d'octobre de 2009


* 22 d'Octobre de 2005 a Carcassona 10 000 personas
* 17 de Març de 2007 a Besièrs 20 000 personas
* 04 d'abriu de 2009 a Pau 1 300 personas (projeccion = 30000 personas a
Carcassona lo 24/10)
* 24 D'OCTOBRE DE 2009 A CARCASSONA

«Anem Òc 2009» l’organizacion de la manifestacion se precisa :

Lo materiau de promocion es a disposicion

- lei afichas son estampadas,

- lei camisons son lèsts

- e la Crida lo serà lèu…

- lo site novèu fonciona : http://anemoc.macarel.net/

Permanent :

Despuei lo començament de mai, avèm embauchat un permanent : Joan-Claudi
Fernandez.

Es pas encara completament operacionau que nos fau acabar l’installacion dau
locau e que nos manca encara lo materiau informatic...

Se pensam que tot aquò serà clavat en fin de la setmana que ven.

- Lo poiretz trobar au : 43, carrièra Trivala. 11000 Carcassona (43, rue
Trivalle)…

- Contacte : 06 75 78 58 39 / 04 68 25 45 06.

Mai que jamai nos fa mestier de vòstre sosten e d’en promier dau sosten
financier, per pagar lo materiau de promocion, lo permanent, lo locau e son
intallacion e son foncionament…

Lo budget d’organizacion de la manifestacion es estimat a 30000€.

Leis associacions sòcias de la Coordinacion «Anem Òc !» investisson mai
aquò basta pas !

La lenga es l'afaire de totei !

Oblidètz pas que «espiga fai eimina» e pauc que pauc ajudatz-nos de faire de
Carcassona 2009 una capitada de ias bèlas…

La coordinacion «Anem Òc !»

ANEM, ÒC TÀ LA LENGA OCCITANA

Coordination ANEM ÒC !

Institut d'Estudis Occitans, Felibrige, Calandreta, Òc-Bi

Federacion deis Ensenhaires de Lenga e Cultura d'Òc

Anem Òc-IEO - 43, la Trivala

11000 CARCASSONA

Contacte corrier : IEO-ANEM ÒC

BP 105 11022-Carcassona Cedex

Contacte : 06 75 78 58 39 / 04 68 25 45 06

04 42 59 43 96

comitat.anem-oc@... <>

Contacte premsa : 06 83 01 19 37







24/07/2009 Nueits atipicas de Lengon


Amassada de las Lengas de França

lengon.jpg



Devath la presidéncia de :

Martine Faure, deputada de la Gironda, presidenta a l’Amassada Nacionau deu
Grope d’estudis sus las lengas regionaus

En preséncia de :

Jean-François Baldi, Delegat generau adjunt de la Direccion generau de la lenga
francesa e de las lengas de França, Ministèri de la Cultura e de la
Comunicacion

Dens l'encastre de la 18au edicion de las Nueits Atipicas

La politica lingüistica de l’Estat francés e de las Collectivitats
territoriaus en favor de las lengas regionaus : bilanç e perspectivas.

Un an arron la modificacion de la Constitucion Francesa de julh de 2008 qui
ditz, dens lo son article 75-1, que « Las lengas regionaus qu'apartienen au
patrimòni de la França ».

Enjòc màger rapòrt au projècte de lei governamentau sus l’ensenhament, los
mèdia, la cultura, la senhalizacion, los servicis publics.

Amassada lòc d’escambi bastidor entee parlamentaris, elegits territoriaus,
representants associatius e ensenhaires. Que s'inscriu dens lo desbat
parlamentari e ciutadan sus la necèra de transformar la reconeishença
patrimoniau de las lengas regionaus en ua politica lingüistica de sostien e de
promocion de las lengas de França.

associacion nuits atypiques – 8, place des Carmes 33210 Lengon

tel : 05 57 98 08 45 / fax : 05 56 76 29 69 / e-mail :
lesnuitsatypiques@... / www.nuitsatypiques.org




Per viéner : l'Estivada (22-25 de Julh a Rodés) on la vòsta ràdio e hargada
mei de sheis òras de programas lo dia dab los mèdia de la FIMOC (Federacion
Interregionau de mèdia occitans) : Ràdio Lenga d'Oc, La setmana, Ràdio
Occitania e Ràdio Albigés
Que'vs mercejam de la vòsta atencion










[Les parties de ce message comportant autre chose que du texte seul ont été
supprimées]